Akuza për Bashkim Ulajn nga deputeti malazez:Mund të merret me kokainën, jo me borën në Kolashin”

Ka qenë i fortë denoncimi i Nebojša Medojević, deputet dhe njëherësh ish-kandidat për president në Mal të Zi, për biznesmenin shqiptar, Bashkim Ulaj.

Nebojša Medojević ka thënë nga foltorja e Kuvendit:

Ky investitori në Kolashin mund të bëjë më mirë me kokainën sesa me borën.”

 Bashkim Ulaj është pronar i firmës së ndërtimit “Gener 2”, e cila ka fituar disa tendera të rëndësishëm në Shqipëri, por së fundmi ka fituar edhe një koncesion për të investuar në zonën turistike të Kolashinës.

E megjithëse puna për ndërtimin e resorteve në Kolashinë ka filluar dhe kap vlerën e 13 milionë eurove, deputeti Medojević ka ngritur dyshime për emrin e Ulaj dhe i ka kërkuar llogari qeverisë së malazeze për mënyrën se si është dhënë koncesioni.

Denoncimi i plotë i deputetit Nebojša Medojević, i bërë muajt e fundit:

Bashkim Ulaj është një ndër personat e mafjes shqiptare tropojane që është marrë me pastrimin e parave dhe me shkëmbimin e lëndëve narkotike. Ja ky që është investitori juaj, pra juve nuk u intereson se nga u vijnë paratë mjafton që tu vinë dhe nuk u intereson se çfare parash janë ato, nga janë marrë?!
Pra të dashur qytetar ky është një problem që po e shohim shpesh herë në jug dhe veri të vendit, që investitorët janë kriminel dhe drogaxhinjë e njëjta gjendje është edhe në Budva.
Në PORTO BUDVA gjithashtu gjejmë investitorin Naser Ramaj OVK, pra është i njëjti problem. Pra duhet të bëjmë dallimin në mes të investirorve si puna e ketyre dhe investitorëve të pastër dhe të rregullt, (me falni nese mund ta zgjas vetem 10 sekonda).
P.sh ky investitori në Kolashin mund të merret vetëm me investimin e të bardhës (kokainës) por jo të borës së bardhë, pra edhe nje herë ju bëj vërtejtje që ti shikoni investitorët që investojnë dhe ti deklaroni investimet e tyre në parlament.”

Ndërkohë që në pikëpyetje është dhe emri i bashkëpunëtorit të Ulajt në Kolashin, Zoran Beçiroviç, i cili njihet gjerësisht në shtetin fqinj si anëtar i mafias ballkanike.

Zoran Beçiroviç.

Mbi të rëndojnë akuza nga organet ligjzbatuese malazeze për shkelje të ligjit, përzierje dhe përplasje me elementët kriminalë të mafias ballkanike, pasojë e të cilës është dhe vrasja e vëllait të tij, Dragan Beçiroviç, në Budva në prill të vitit 2011, vrasje e cila është ende e pazbardhur.

Media malazeze i quante vëllezërit Beçiroviç si “biznesmenë kontroversë”, që shpesh kanë qenë të akuzuar si të lidhur me botën e nëndheshme të krimit dhe mafias ballkanike.

Pak kohë më parë ka qenë gazeta “Vijesti” ajo që bëri dhe një përshkrim për biznesmenin shqiptar, Bashkim Ulaj, ku tregoi se roli i tij do të jetë primar në investimin në Kolashin së bashku me Beçiroviç.