Ambasadori britanik takim me drejtues të Prefekturës dhe Bashkisë Kukës

Përditësuar më 10 October 2023, 15:42

Sot ambasadori  i Britanisë së Madhe në Tiranë, z. Alastar King-Smith   ka zhvilluar një takim  pune ku janë diskutuar projektet zhvillimore  të financuara mga  Britania e Madhe në Kukës  dhe  financimet e  reja për Hasin, Tropojën dhe Kukësin.

Takim e ka  lajmëruar vetë Prefekti Garnit Gjana i cili ka shkruar në llogarinë e tij në FB

Statusi i plotë i Granit Gjana:

Bashkë  me Albertin kryetarin e bashkisë dhe Astritin kryetarin e këshillit të qarkut Kukës, mirëpritëm sot, ambasadorin e Britanisë së Madhe në Tiranë, z. Alastar King-Smith.

Fokus diskutimi patëm projektet zhvillimore që janë implementuar deri tani e të tjera që presim, për të ndikuar në zhvillimin ekonomik, arsimor e turistik.

Z. King-Smith i shprehëm falenderime të pëzemërta për gjithë vëmendjen dhe mbështetjen që po i japin rajonit tonë nëpërmjet projektit më të madh që i është ofruar sot Kukësit, Hasit e Tropojës.

Jemi të bindur se bashkëpunimi dhe marrëdhenia jonë e ngushtë mes dy vendeve do të sjellë zhvillimin e kërkuar për banorët e Qarkut të Kukësit. 🇦🇱🙏🇬🇧