Ambasadori i BE video-mesazh për zgjedhjet në Shqipëri: Votoni të dielën dhe jini të durueshëm ndërsa presim rezultatet

Ambasadori i Bashkimit Europian, Luigi Soreca ka dalë me një video mesazh për zgjedhjet e 25 prillit në Shqipëri, ku bën thirrje për pjesëmarrje në votime.

Në mesazhin e tij, diplomati europian thekson se në 25 prill, shqiptarët kanë fuqinë të vendosin se kush t’ju përfaqësojë në Parlament dhe kush do të bëjë ligjet.

Teksa do të pritet për rezultatin, ambasadori Soreca bën thirrje për durim.

“Më 25 prill, ju keni fuqinë të vendosni se kush do t’ju përfaqësojë në Parlamentin e ardhshëm, kush do të bëjë ligjet që do të ndikojnë në jetën tuaj dhe kush do të vendosë për reformat e nevojshme për integrimin e Shqipërisë në BE. Votoni të dielën dhe jini të durueshëm ndërsa presim rezultatet. Ti vendos!” Ambasadori i BE-së Luigi Soreca.