Ambasadori i ri i Indisë vjen në Shqipëri, dorëzon kredencialet te Presidenti Meta

Meta shkruan se i ka ripërsëritur ambasadorit angazhimin se Shqipëria i kushton rëndësi marrëdhënieve me Indinë.

“Pata kënaqësinë të prisja sot Ambasadorin e ri të Indisë në Shqipëri, Sh.T.Z. Rahul Shrivastava, me rastin e paraqitjes së Letrave Kredenciale.

Vlerësova marrëdhëniet korrekte politike ndërmjet Shqipërisë dhe Indisë, që duhet të shërbejnë edhe për intensifikimin e bashkëpunimit ekonomik e tregtar, në turizëm, kulturë e shumë fusha të tjera.

Duke ripërsëritur angazhimin dhe rëndësinë që Shqipëria i kushton marrëdhënieve me Indinë, i urova suksese Ambasadorit dhe e sigurova për mbështetje të plotë gjatë misionit të tij të rëndësishëm në vendin tonë”, shkruan Meta.