Andi Bushati/Ja pse këto lista nuk janë bërë pa Sali Berishën

Analisti Andi Bushati është shprehur i bindur se listat e Bashës, nuk janë bërë vetëm nga kreu demokrat, por edhe nga Sali Berisha.

Për ta mbështetur mendimin e tij në studion e emisionit “Të paekspozuarit”, Bushati tha se nuk mund të besohet se Berisha nuk ka pasur lidhje me listën përderisa një javë më parë të gjithë ministrat teknikë ishin njerëz që kanë qenë shumë afër Berishës.

Bushati tha se Berisha po ia jep si një dhuratë Bashës partinë për herë të dytë, siç ndoshi me zgjedhjet me Sokol Olldashin, apo siç ndodhi në Bashkinë e Tiranës.

” Pra Berisha tregoi edhe njëherë se në vende kyçe vendosen njerëz me miratimin e tij, siç ishin ministrat një javë më parë. Pra nuk mund të themi që Berisha një javë më parë vendosi për ministrat dhe në këto lista vendosi Basha. Pra Berisha ka vendosur që këtë parti t’ia lërë trashëgimi Lulzim Bashës dhe mënyrë më e mirë është duke i hequr nga rruga, Topallin, Bregun, Patozin, Imamin, njëlloj siç bëri me bashkinë apo kryesinë e PD.