Anxhela Peristeri humbi 16 kilogramë, hoqi dorë nga brumërat(FOTO)

Këngëtarja e dashur për publikun shqiptar, Anxhela Peristeri, kohët e fundit është shfaqur me një imazh krejt të ri.

Në profilin e saj në “Instagram”, së fundmi Anxhela ka publikuar disa fotografi mjaft të bukura, ku kanë ngjallur dyshime për “Photoshop”.

Por siç ka treguar ajo nuk ka të bëjë aspak “Photoshop”-i. Prej 7-muajsh këngëtarja i është nënshtruar një diete që po e mban me rigorozitet.

Një ditë më parë ajo ishte e ftuar në emisionin “Zonë e lirë”, ku moderatori Arian Çani e pyeti se si ia ka dalë të humbasë kaq shumë peshë.

“Faktikisht, duket sikur është shumë e vështirë të dobësohesh. Por faktikisht, nuk është e vështirë. U bënë 7 muaj tanimë”, tha Anxhela.

Këngëtarja e njohur u shpreh se përveç stërvitjes, ka një ushqim të caktuar që e ka eliminuar krejtësisht nga regjimi i saj.

“Por, duhet të vazhdosh stërvitjen dhe sigurisht, të eliminosh në mënyrë drastike brumërat”, ishte këshilla e Anxhelës.