Arkitekti Maks Velo:Rama sepse kuptova se ai të përdorte

Arkitekti Maks Velo tha se vendosi të largohej nga kryeministri Rama sepse e kishte parë që ai të përdorte dhe se “do të thuash atë që do ai”.

I ftuar në studion e lajmeve në “RTV Ora”, i pyetur se përse nuk e dëgjon më kryeministri, Velo theksoi se “çdo njeri që nuk është dakord me atë duhet të largohet”.

Beti Njuma: Pse nuk ju dëgjon më kryeministri? Ju keni qenë një nga njerëzit e afërt të tij. Pse kjo metamorfozë në marrëdhënien tuaj?

Maks Velo: Pashë që ai të përdor. Ai do të thuash atë që do ai. Unë këtë e kuptova dhe çdo njeri që nuk është dakord me atë duhet të largohet. Rasti i teatrit është gjëja me katastrofoike. Nuk është larg shtatori dhe do shohësh se çfarë katastrofe është Qemal Stafa është e pariparueshme. Të marrësh një stadium ta bësh qendër tregtare, hoteliere, me një stadium të vogël ku kjo pjesa vjen 80% të investimit dhe ky të ishte stadiumi kombëtar i joni dhe të eliminosh pistën olimpike. Nuk kemi një pistë olimpike e zhduku Rama. Si  është e mundur që ky njeri sportist zhduk pistën e atletikës për ta bërë dyqane. U mbush me dyqane. Toptani dy kate nuk funksionoi se ka super ngopje në dyqane dhe po të ishte dy kate më pak do të ishte shumë më mirë e harmonizuar me ambientin. PO pse i bëjnë. Vjedhin ajrin. Ne Beti jemi gati të vjedhim çdo gjë. Edhe ajrin.