Arrestime të tjera gjyqtarësh? Gazetarja bën paralajmërim të fortë

Pas ndalimit të gjyqtarit Shkëlqim Miri ditën e sotme nga Policia e Tiranës, i cili akuzohet për fshehje të pasurisë, pritet të ketë edhe të tjera ndalime në radhët e gjyqtarëve.
Gazetarja Klodiana Lala tha sot se në hetim janë edhe disa gjykatës të tjerë (tre), pa dhënë të tjera detaje.

Miri ka qenë në vëzhgim dhe hetim prej 1 viti nga Prokuroria dhe vetëm dje pasdite në banesën e tij prokurorët me një urdhër nga gjykata kryen një kontroll të befasishëm ku gjetën qindra mijëra euro.