Arrestimi i Belerit/ “Qeveria greke do të monitorojë rastin e Belerit”, ministri Dendias: Arrestimi 2 ditë para zgjedhjeve nëse s’ka prova, skandal!

Ka reaguar ministri i Jashtëm, Nikos Dendias në lidhje me arrestimin e kandidatit të koalicionit ‘Bashkë Fitojmë’ për bashkinë e Himarës, Fredi Beleri. 

Ai tha se nëse nuk ka prova për arrestimin e tij, ky është një skandal. Ndërkohë, Dendias pohoi se kjo çështjes do të ndiqet nga Greqia.

“Arrestohet anëtari i minoritetit grek, Fredi Beleri, kandidat për kryetar Bashkie në Himarë të Shqipërisë, së bashku me një tjetër grek. Dua të them se nëse nuk ka prova të forta, arrestimi i një kandidati për Kryetar Bashkie dy ditë para zgjedhjeve është një skandal absolut.
Për këtë kam njoftuar tashmë Përfaqësuesin e Lartë të BE-së, z. Borrell, dhe Ministrin e Punëve të Jashtme suedeze, si Presidencë në detyrë. Qeveria greke do ta monitorojë këtë nga afër.
E përsëris, diçka që e njohu edhe kryeministri shqiptar Rama. Arrestimi i një kandidati për kryetar Bashkie dy ditë para zgjedhjeve, nëse nuk ka prova të forta, përbën skandal.”, tha ai.

Mirëpo shumë qytetarë dhe mediat greke e kanë cilësuar këtë arrestim, si një sulm personal i Edi Ramës. Mbrëmjen e djeshme në Opinion, vetëm pak orë para arrestimit, Edi Rama tha se do merrej personalisht me fredi Bejlerin dhe me personat që e mbështesin atë për të kërkuar vota.

Ndër të tjera, ai nuk i ka ndalur ofendimet për Bejlerin, duke e quajtur maskara dhe injorant.