Arrestohen shqiptarët në Holandë për kontenjerin me 1459 kg kokainë.

Një sasi prej 1459 kilogramë kokainë u sekuestrua nga policia holandeze në portin e Roterdamit të premten e shkuar pas një kontrolli rutinë.

Menjëherë pasi u gjetën lëndët narkotike, filloi një hetim i madh që rezultoi në pesë arrestime këtë javë.

Në pranga kanë përfunduar dy shqiptarë nga Kosova, një 33-vjeçar nga Peja një 35-vjeçar nga Mirusha, një 43-vjeçar nga Lushnja, ndërsa të arrestuarit e tjerë janë një turk dhe një francez.

Hetimet

Hetimi çoi në një depo në Best (Noord-Brabant) ku katër të dyshuar u arrestuan nga policia dhe ekipi i ndihmës speciale nga Dogana të mërkurën 15 më prill. Personat ishin pritësit e dy kontejnerëve që përmbanin lëndën narkotike. Kontejnerët ishin ngarkuar në Brazil.

I dyshuari i pestë u arrestua të mërkurën në mbrëmje në Roterdam për shkak të përfshirjes së tij në transportin e kontejnerëve.

Paraburgimi

Shërbimi i Prokurorisë Publike në Roterdam dyshon se burrat janë të përfshirë në importin dhe transportin e kokainës. Burrat u sollën para magjistratit ekzaminues nga prokurori publik sot. Ai ka vendosur që të gjithë të dyshuarit të ndalohen për 14 ditë.

Ekipi HARC, një partneritet i Doganave, FIOD, Policisë së Porteve dhe Shërbimit të Prokurorisë Publike në Roterdam po heton çështjen më tej. Narkotikët janë asgjësuar pas kapjes.