Arrestohet 33-vjeçari në Shkodër! E shoqja me disa dëmtime në trup

33-vjeçar është arrestuar në zonën e Dajçit në Shkodër pasi ka ushtruar dhunë ndaj bashkëshortes.

Policia njofton se në pranga është vendosur i riu me iniciale A.P. banues në fshatin Mushan.

Ai ka ushtruar dhunë fizike dhe psikologjike ndaj të shoqes, duke i shkaktuar dëmtime në disa pjesë të trupit.

Njoftimi i policisë:

Nga Seksioni për Hetimin e Kirimit të Komisariatit të Policisë Shkodër u bë arrestimi i shtetasit; A. P., 33 vjeç banues në fshatin Mushan, Njësia Administrative Dajç, Shkodër, pasi ka ushtruar dhunë fizike dhe psikologjike ndaj bashkëshortes së tij ku si pasojë i ka shkaktuar dëmtime në disa pjesë të trupit.