Arrestohet 52-vjeçari, ishte në kërkim nga Italian për prostitucion dhe grup kriminal

Policia e Shkodrës ka vënë në pranga një 52-vjeçar të shpallur në kërkim nga autoritetet italiane.

Shpëtim Memolla, banues në Peqin është dënuar me 8 vite e 8 muaj burg, pasi autoritetet italiane e akuzojnë për trafikim lëndësh narkotike dhe prostitucion.

“Ky shtetas ishte i shpallur në kërkim ndërkombëtar, nga Interpol Roma/Itali pasi Gjykata e Apelit Laquila/Itali në vitin 2022 e ka dënuar këte shtetas me 8 vjet e 8 muaj burg për veprat penale “Organizatë kriminale”, “Trafikimi i narkotikëve” dhe “Prostitucion”,” thuhet në njoftim.

Pritet ekstradimi i tij drejt Italisë.