Arrestohet ish-drejtori i paraburgimit në Vlorë

Ish-drejtori i qendrës së paraburgimit në Vlorë, Zambak Gjoni është arrestuar dy ditë më parë me urdhër të Prokurorisë së Posaçme Kundër Korrupsionit dhe Krimit të Organizuar dhe ditën e sotme GJKKO ka konfirmuar masën e sigurisë së tij me “arrest me burg”.

Ende nuk janë të qarta arsyet që çuan në arrestimin e ish-drejtorit.

Prokuroria e Posaçme nuk ka dhënë ende asnjë detaj mbi arrestimin e Zambak Gjonit. Ndërkohë në dosjen hetimore është kërkuar mospublikimi i detajeve të çështjes.

Zambak Gjoni denoncoi në vitin 2024 ministrin aktual të brendshëm Ervin Hoxha për shpërdorim detyre lidhur me një ndërtim pa leje në Shkodër