Arrestohet këngëtarja e njohur Britney Spears

Këngëtarja e njohur amerikane Britney Spears është arrestuar në shtetin e California, sipas dokumenteve të publikuara nga autoritetet gjyqësore amerikane.

Sipas të dhënave zyrtare, artistja është ndaluar nga patrullat e California Highway Patrol rreth orës 21:30 me orën lokale të së mërkurës (05:30 GMT).

Pas arrestimit, Spears është liruar në orët e para të mëngjesit të së enjtes. Ajo pritet të paraqitet përpara gjykatës në Ventura County Superior Court më 4 maj, ku do të zhvillohet seanca lidhur me çështjen.

Në dokumentet zyrtare të gjykatës nuk është bërë ende e ditur arsyeja konkrete e arrestimit të këngëtares. Autoritetet nuk kanë dhënë detaje shtesë për rrethanat e ngjarjes, ndërsa pritet që informacionet e plota të dalin në vijim të procesit gjyqësor.