Arrestohet në Elbasan shqiptari me dy emra, ishte në kërkim ndërkombëtar, i dënuar për…

Arrestohet në Elbasan një 45-vjecar që ishte shpallur në kërkim ndërkombëtar per llogari te drejtesise italiane.

Njoftimi i plote 

Arrestohet një shtetas shqiptar me qëllim ekstradimi drejt Italisë.

Specialistët për Hetimin e Narkotikëve në Drejtorin Vendore të Policisë Elbasan pas një pune të mirë organizuar, në bashkëpunim me Komisariatin e Policisë Cërrik dhe Interpol Tirana, arrestuan përkohësisht me qëllim ekstradimi drejt Italisë shtetasin shqiptar të shpallur në kërkim ndërkombëtar:

• Jorgo (Gazment) Selmani, 45 vjeç, banues në Cërrik.

Ndalimi i tij u bë pasi Gjykatës e Barit Itali, e ka dënuar 11 vjet burg, për veprën penale “Shkelje e ligjit mbi narkotikët”.

Veprimet e mëtejshme për këtë shtetas do të kryhen nga Zyra e Interpolit Tiranë.