Policia e Lezhës ka arrestuar një shofer i cili drejtonte mjetin në gjendje të dehur, si edhe pasagjerin, pasi kundërshtuan me dhunë punonjësit e policisë.
Sipas njoftimit të policisë, T.L, 24 vjeç dhe E.N, 26 vjeç, të dy banues në Mirditë, janë vënë në pranga.
Materialet procedurale i kaluan Prokurorisë Lezhë, për veprat penale “Kundërshtim i punonjësit të policisë të rendit publik” dhe “Drejtim i automjetit në gjendje të dehur”.
Njoftimi i policisë:
Mirditë
Policia Rrugore e Lezhës vë në pranga një drejtues mjeti dhe pasagjerin.
Drejtonte mjetin në gjendje të dehur, nuk iu bind urdhrit të Policisë për shoqërim në ambientet e Policisë dhe në bashkëpunim me pasagjerin kundërshtoi me dhunë punonjësit e Policisë, por vihen në pranga.
Nga shërbimet e Komisariatit të Policisë Mirditë u arrestuan në flagrancë shtetasit:
T. L., 24 vjeç dhe E. N., 26 vjeç, të dy banues në Mirditë.
Arrestimi i tyre u bë pasi shtetasi T. L., duke drejtuar mjetin e tij, pas testit të alkoolit ka rezultuar në gjendje të dehur dhe në momentin që shërbimet e Policisë do ta shoqëronin në Komisariat, ky shtetas, në bashkëpunim me shtetasin E. N., pasagjer në mjet, ka kundërshtuar me dhunë punonjësit e Policisë, por janë shoqëruar forcërisht nga këta të fundit.
Materialet procedurale i kaluan Prokurorisë Lezhë, për veprat penale “Kundërshtim i punonjësit të policisë të rendit publik” dhe “Drejtim i automjetit në gjendje të dehur”.
