Arrestohet pas 7 vitesh i kërkuari me dy emra!

Policia e Durrësit ka vendosur në pranga 38-vjeçarin Febjus (Dritan) Dauti, i cili kërkohej prej vitit 2015, i akuzuar për tentativë të trafikimit të lëndës plasëse.

Më 17 janar të atij viti, ai së bashku me 3 shtetas të tjerë  u konstatua duke transportuar 3 kallëpe lënde plasëse.  Policia vendosi në pranga bashkëpunëtorin e tij Bledar Plaku, më 18 tetor 2022.

Ndërsa sot (24 tetor) është arrestuar edhe 38-vjeçari, i cili rezulton i dënuar nga Gjykata e Durrësit me 4 vjet e 4 muaj burgim, për veprën penale “Trafikimi i lëndëve plasëse, djegëse dhe helmuese”, kryer në bashkëpunim.

Njoftimi i plotë:

Lokalizohet dhe vihet në pranga nga Komisariati i Policisë Durrës, një i kërkuar tjetër për tentativë për trafikim të lëndëve plasëse.

Shërbimet e Policisë, mbështetur nga inteligjenca informative, mbi vendndodhjet e një shtetasi të kërkuar, bënë lokalizimin dhe ndalimin e Febjus (Dritan) Dautit, 38 vjeç, banues në Durrës, pasi Gjykata e Rrethit Gjyqësor Durrës e ka dënuar me 4 vjet e 4 muaj burgim, për veprën penale “Trafikimi i lëndëve plasëse, djegëse dhe helmuese”, kryer në bashkëpunim.

Më 17.01.2015, 38-vjeçari, së bashku më 3 shtetas të tjerë, u konstatua duke transportuar 3 kallëpe lënde plasëse.

Si rezultat i punës policore për vënien përpara përgjegjësisë ligjore të autorëve të kësaj ngjarjeje, shërbimet e Policisë së Durrësit vunë në pranga, më 18 tetor 2022, shtetasin Bledar Plaku, njëri nga bashkëpunëtorët e shtetasit Febjus (Dritan) Dauti, të vënë në pranga ditën e sotme.

Vijon puna për kapjen e bashkëpunëtorëve të tjerë, të implikuar në këtë veprimtari kriminale.

Materialet i kaluan Prokurorisë pranë Gjykatës së Rrethit Gjyqësor Durrës, për veprime të mëtejshme

Ngjarja në vitin 2015

Febjus Dauti, Asllan Plaku, Bledar Plaku dhe Dashnor Dumani u zbuluan pas përgjimeve të bëra.

Arrestimi i tyre u bë më 17 janar ne autostraden Durres-Tirane ku ne zonen ne afersi te mbikalimit per kembesor ne Shen Vlash u konstatua Febjus Dauti dhe nje person tjeter qe mbante ne dore nje qese të kuqe.

Ne ate moment kane nderhyre oficeret e policise te cilet kapen ne duart e tij tre kallepe ne trajte cilindrike me permasa te ndryshme te mbeshtjelle me natriban te zi me dy fije te dala nga pjesa e trupit.

Keto material rezultuan lende shperthyese e llojit eksploziv C4.

“Në datë 17.01.2015 në orën 16.20 në autostradën Durrës-Tiranë, në zonën në afërsi të mbikalimit për këmbësor në Shën Vlash, u konstatuan shtetasi Fabjus ( Dritan) Dauti, një person tjetër rreth moshës 30 vjec, i cili mbante në dorë një qese të  kuqe. Në këto moment kanë ndërhyrë oficerët e policisë, të cilët kapën në duart e tij tre kallëpe, në trajtë cilindrike, me përmasa të ndryshme, të mbështjellë me natriban të zi, me dy fije të dala nga pjesa e trupit. Këto material dyshohet se janë lëndë shpërthyese e llojit eksploziv C4. Në momentet e këmbimit të lëndës plasëse kanë qenë të pranishëm dhe janë kapur nga policia edhe shtetasit e dyshuar Dashnor Dumani, Bledar Plaku e Asllan Plaku. Sa më sipër është kryer arrestimi në flagrancë i shtetasve, si persona të dyshuar për kryerjen e veprës penale të “trafikimit të lëndëve plasëse, djegëse, helmuese dhe radioaktive” parashikuar nga neni 282/a/2 i K.Penal”, u njoftua në atë kohë.