Foto/ Ky është shefi i Komisariatit i arrestuar në Laç, “krahu i djathtë” i Gëzim Çelës

Ditën e sotme, Policia e Shtetit në bashkëpunim më SPAK ka organizuar një megaoperacion në disa qytete të vendit, përfshirë edhe Laçin. Si rezultat, në pranga ra shefi i komisariatit të Laçit dhe është personi që shihni më poshtë në foto.

Dritan Meta është arrestuar nën akuzat si mbështetës i i grupit të strukturuar kriminal të drogës që dyshohet se drejtohet nga i shumëkërkuari Gëzim Çela.

Ndërkohë theksojmë se megaoperacioni dështoi në arrestimin e “kokës” së trafikimit të drogës. Gëzim Çela, Roland Muza dhe Arben Dalipaj janë shpallur në kërkim, ndërsa deklarata zyrtare shprehin se ata ndodhen jashtë shtetit.

Mund të cilësohet si një dështim operacioni i sotëm i policisë së Shtetit në bashkëpunim me SPAK, për arrestimin e Gëzim Çelës dhe personave të tjera.

Gjatë një konference për mediat, kryepolici Muhamet Rrumbullaku ka bërë të ditur se në pranga është vënë vetëm shefi i Komisariatit të Laçit, Dritan Metaj, ndërsa tre personat e tjerë drejtues të grupit kriminal, janë në kërkim pasi nuk janë gjetur.

Rrumbullaku tha se, për këta persona është dhënë masa e sigurisë nga Gjykata e Posaçme.

I arrestuar:

Dritan Metaj

Në kërkim:

Gëzim Çela

Arben Dalipaj

Roland Muza

‘Ditën e sotme, Policia e Shtetit ka ekzekutuar masën e sigurisë “Arrest në burg”, për shefin e Komisariatit të Policisë Laç, Dritan Metaj, ndërsa 3 shtetasit e tjerë janë shpallur në kërkim.

Policia e Shtetit, në bashkëpunim me homologët dhe me agjencitë ligjzbatuese ndërkombëtare, po punon intensivisht për lokalizimin dhe kapjen e tyre, pasi nga informacionet dhe verifikimet e deritanishme rezulton se këta 3 shtetas janë jashtë territorit të Republikës së Shqipërisë.

Në zbatim të vendimit të Gjykatës së Posaçme Kundër Korrupsionit dhe Krimit të Organizuar, po vazhdon operacioni në terren për sekuestrimin e pasurive të luajtshme dhe të paluajtshme të shtetasve Gëzim Çelaj, Nderim Çelaj, Arlind Ismailukaj dhe personat e tjerë të lidhur me ta, duke përfshirë shoqërinë tregëtare, automjete, mjete lundruese dhe asete të tjera’, tha sot drejtori i Policisë së Shtetit, Muhamet Rrumbullaku.

 Ndërkaq në muajin gusht 2023, në kuadër të operacionit ‘Flakë në det’ u arrestuan:

Arlind Ismailukaj, 47 vjeç, banues në Tiranë; 

Armando Mema, 37 vjeç, banues në Tiranë;

Nerim Çela, 40 vjeç, banues në Fushë Kuqe, Laç;

Besnik Brokeri, 51 vjeç, banues në Vlorë;

Kyrylo Ponomarenko, 39 vjeç, banues në Ukrainë;

Kostiantyn Biellon, 44 vjeç, banues në Ukrainë.