Asgan Mërnica me jelek antiplumb në gjykatë lihet në arrest me burg

Asgan Mërnica ka mbërritur në gjykatë i veshur me jelek antiplumb. Dhjetra forca policie e kanë shoqëruar atë në ambientet e Gjykatës.

Ditën e sotme ai u njoh me akuzat dhe me masën e sigurisë arrest me burg.

23-vjeçari katër ditë më parë ekzekutoi me armë efektivin e policisë Nevruz Cenalia, pas një debati banal, se kush do kalojë i pari në një rrugë fshati. Mërnica u dorëzua në polic nga familjarët, pas më shumë se 48 orësh kërkime nga forca të shumta policie.