Kam gjithmonë uri për të luajtur

Kristjan Asllani e bën të qartë se dëshiron që të luajë me fanellën kuqezi, duke shpresuar që të vazhdojë me paraqitjet si ndaj Armenisë, ku ai nisi aksionin e golit të parë dhe shënoi vetë me penallti të dytin.

“Është emocion shumë i bukur të shënosh golin me kombëtaren. Të gjithë fëmijët e vegjël e kanë ëndërr, unë e bëra. Por sot ishte gjëja kryesore fitorja se kishim shumë kohë dhe i kënaqëm njerëzit.

Kur hyj në fushë dua të luaj, por pastaj zgjedhjet i bën trajneri. Pastaj uri për të luajtur kam gjithmonë.

E kam shumë qejf atë pasim dhe Skukës i thashë para sfidës që sa herë të ketë mundësi të niset pas linjës. Unë e bëj disa herë, erdhi goli. Jam i lumtur edhe për Skukën që bëri golin e parë”, tha për “SuperSport” pas sfidës Asllani.