Atentati në Shkodër/Autorët kanë monitoruar lëvizjet e viktimës dhe të plagosurit!

Të tjera detaje janë zbardhur nga atentati me armë zjarri në Shkodër, ku mbeti i vrarë Hamza Lici dhe u plagos Arlind Bushati. Po ashtu viktimë mbeti edhe një kalimtare e pafajshme, ndërsa bashkëshorti i saj u plagos dhe ndodhet në spital.

Policia ka sekuestruar kamerat e sigurisë, madje sipas informacioneve  ekziston një kamer sigurie, e cila dyshohet se ka fikësuar momentin e atentatit.

Autorët dyshohet se kanë monitoruar lëvizjet e Hamza Licit dhe Arlind Bushatit.

Po ashtu në vendin e ngjarjes janë sekuestruar 30 gëzhoja automatiku, cka do të thotë se autorët kanë qëlluar me breshëri.

Ndërkohë 10 minuta pas atentatit, rreth orës 16:00 në Grudë është gjetur një makinë e djegur dhe brenda saj dy kallashnikovë, që dyshohet se i përket autorëve të krimit.