Audi përplaset me bordurën në Fushë Krujë-Kurbin, ndërron jetë pasagjeri 26 vjeçar, në spital shoferi
Një 26 vjeçar ka ndërruar jetë si pasojë e një aksidenti të ndodhur mëngjesin e sotëm në rrugën Fushë Krujë-Kurbin, si pasojë e një aksidenti rrugor.
Audi A3 me targa AA 603 IG ka humbur kontrollin dhe për pasojë në afërsi të Borizanës është përplasur me bordurën anësore të rrugës. Nga përplasja e fuqishme ka ndërruar jetë 26 vjeçari, pasagjer në mjet, ndërsa shoferi ndodhet në spital. Por nga kqyrja që grupi i hetimit i ka bërë makinës, ka dalë se ajo kishte dy palë targa dhe ishte vjedhur në qytetin e Laçit.
Mjeti kishte tjetër targë në pjesën e pasme dhe tjetër në pjesën përpara, ndërsa brenda saj janë gjetur maska dhe doreza. Sipas Policisë, aksidenti ka ndodhur rreth orës 06:30, në rrugën Fushë Krujë-Kurbin, në Borizanë.
Fushë Krujë/Informacion paraprak
Më datë 07.10.2020, rreth orës 06:30, në rrugën Fushë Krujë-Kurbin, në Borizanë, mjeti tip “Audi”, ka humbur kontrollin duke u përplasur me bordurën anësore të rrugës, e për pasojë ka ndërruar jetë pasagjeri në mjet rreth 26 vjeç, ndërsa drejtuesi i mjetit është dërguar në spital nën kujdesin e mjekëve.
Grupi hetimor ndodhet në vendngjarje dhe po punon për zbardhjen e ngjarjes.
Keni një histori? Denonco anonimisht, identiteti juaj mbrohet.
Denonco
