Aurel Plasari e thotë troç: NËSE LAJMI I ZGJATJES SË FATKEQËSISË NATYRORE, ËSHTË I VËRTETË, JEMI MASHTRUAR!

NËSE KY LAJM ËSHTË I VËRTETË

Nëse lajmi për t’i kërkuar Parlamentit zgjatjen e Gjendjes së Fatkeqësisë Natyrore deri më 23 qershor është i vërtetë, kjo do të thotë që situata pandemike në Shqipëri nuk është siç ka informuar dhe vijon të informojë propaganda zyrtare-partiake. Nëse ky lajm është i vërtetë, kjo do të thotë që Rama, Manastirliu, Bino, Fico, Pipero e me radhë u kanë ofruar qytetarëve të Shqipërisë informacione të rreme mbi situatën pandemike në vend. Pra më shqip: nëse ky lajm është i vërtetë, kjo do të thotë që të mësipërmit kanë mashtruar qytetarët shqiptarë me informacionet që kanë dhënë dhe vijojnë të japin në publik. Kanë përgjegjësinë e tyre për bashkëpunim në këtë dezinformim të qytetarëve të Shqipërisë edhe presidenti i Republikës, si edhe kryetari zyrtar i opozitës politike. Janë llogari që do të duhen mbajtur dhe shtuar për Gjyqin Special të pasLuftës, i cili me gjasë nuk do të bëhet ndonjëherë, sikurse është në traditën e politikës shqiptare.

fb a. p.

Drafti, Qeveria do t’i kërkojë Parlamentit zgjatjen e gjendjes së fatkeqësisë natyrore deri më 23 qershor

Qeveria kërkon të zgjatë gjendjen e fatkeqësisë natyrore deri më 23 qershor të këtij viti. Kryeministri Edi Rama pritet t’i drejtohet Parlamentit për të miratuar zgjatjen e gjendjes aktuale me masat shtrënguese për shkak të situatës me Covid19. Edhe në komunikimin e sotëm interesimit të qytetarëve, Rama iu përgjigj se do të ketë zgjatje të afatit të gjendjes të fatkeqësisë natyrore. Qeveria me 24 mars shpalli për një muaj gjendjen e fatkeqësisë natyrore për shkak të situatës të krijuar nga koronavirusi.