Autori ishte larguar nga Shqipëria pasi la qelitë, 17-vjeçari i ekzekuton vëllanë për hakmarrje

Detaje të tjera dalin  nga ngjarja e rëndë që tronditi Lezhën të hënën, ku një adoleshent që nuk i kishte mbushur ende 18 vjeç vendosi të marrë gjakun e babait të tij që u vra kur ai ishte në moshën 4-vjeçare.

Në dëshminë e parë para hetuesve, 17-vjeçari Florian Përvathi mësohet se e ka pranuar autorësinë e ngjarjes, duke deklaruar se e ka kryer vrasjen në shenjë hakmarrjeje për vrasjen e babait të tij.

Ndërkohë në lidhje me ngjarjen Policia po vijon hetimet dhe në cilësinë e provës materiale janë sekuestrua katër gëzhoja pistolete, si dhe arma e krimit.

Gjithashtu po analizohen pamjet filmike të kamerave të sigurisë të disa bizneseve dhe po merren në pyetje disa persona, për të zbuluar nëse i mituri është ndihmuar edhe nga persona të tjerë për të kryer krimin.

7 VITE BURG PËR NJË VRASJE

Pas vrasjes së Gjon Përvathit në nëntor të vitit 2009Policia arrestoi shtetasin Ndue Lekgjonaj.

Gjykata e Lezhës e dënoi atë me 10 vite e 6 muaj për krimin e rëndë, që rrezikoi jetën edhe të dy personave të tjetër, përfshirë edhe një fëmijë, djali i viktimës.

Vendimi u dha me 27 korrik të vitit 2010 nga trupa gjykuese e kryesuar nga gjyqtarja Gentjana Muçaj.

Në të njëjtën kohë, autori i dyshuar kishte përfituar gjykim të shkurtuar dhe ky dënim i dhënë zbriti në 7 vite burg, duke bërë që autori që i mori jetën babait të katër fëmijëve të dilte shpejt nga qelitë.

Pas kryerjes së dënimit, ndërkohë që kishte lënë katër fëmijë jetimë, ai vendosi të braktiste fshatin Manati duke u larguar jashtë vendit.