Avokati Arbër Çekajt: Një gjykatë që s’ma lejon edukata sepse këta e meritojnë…

Gjykatën, avokati e ka quajtur “noter të prokurorisë”, ndërsa u shpreh se është për të ardhur keq që perspektiva e mbrojtjes së të drejtave të njeriut në procesin penal shkelet me të dyja këmbët”.

Sipas Maks Haxhisë, Arbër Çekaj, i cili do duhet të vuajë dënimin e 14 viteve burg, është gjykuar pa asnjë provë.

“Me një gjykatë që s’ma lejon edukata sepse këta e meritojnë cdo lloj etiketimi që mund t’u japësh. Një gjykatë që dënoi një njeri pa asnjë provë”, u shpreh ai.

Madje Haxhia tha se gjykata nuk kishte pranuar as mbojtjen e të pandeurit për kunluzionet përfundimtare.

“Nuk mori në konsideratë e nuk i dha të drejën të mbrohej në konkluzionet përfundimtare, jo nuk e la që të fliste”, tha Maks Haxhia.

VENDIMI

Apeli i Gjykatës së Posaçme Kundër Korrupsionit dhe Krimit të Organizuar ka shpallur vendimin për Arbër Çekajn, për të cilin ka vendosur dënimin me 14 vite burg.

Ndërsa 8 vjet e 8 muaj burg janë vendosur për Armando Pezakun, dhe 10 vjet e 8 muaj burg për Donaldo Lushajn.

Tre të akuzuarit për kokainën rekord që u kap në kamionin me banane iu nënshtruan gjykimit të shkurtuar.

Tre vite më parë dhe konkretisht me datën 27 shkurt 2018, Policia sekuestroi një sasi prej 613 kg kokaine që ishte importuar bashkë me ngarkesën e bananeve që ishin porositur nga vetë Arbër Çekaj, asokohe administrator i kompanisë “Arbri Garden”.

DENIMI

Prokuroria kishte kërkuar 21 vite burg për Çekajn, kërkesë e cila u pranua edhe nga Gjykata, por për shkak të gjykimit të shkurtuar Çekaj përfitoi ulje të dënimit me një të tretën, duke u dënuar përfundimisht me 14 vjet burg.

Çekaj i mohoi vazhdimisht akuzat, duke mos e pranuar përfshirjen e tij në trafik.

Ndërkohë Donald Lushaj, administratori i “Arbri Garden” u dënua me 16 vite, teksa i shkurtohet në 10 vite e 8 muaj.

Për shoferin e kamionit që çoi kontejnerin në magazinën e tij, Armando Pezaku, u dha dënimi me 13 vite burgim, dhe i ulet në 8 vite e 8 muaj.