Apeli e la në arrest shtëpie, avokati i ish-kryeministrit: Vendimi i Apelit të GJKKO do të rekursohet

Gjykata e Posaçme e Apelit ka lënë në arrest shtëpie ish-kryeministrin  Sali Berisha dhe avokati i tij ka paralajmëruar se vendimi do të rekursohet në Gjykatën e Lartë.

“Apeli i GJKKO vërtetoi se u dekriptua përfundimisht qëllimi politik për t’u mbajtur në arrest shtëpie Berisha. Qëllimi është që ai të izolohet. Beteja vazhdon. Do të rekursohet vendimi i apelit”, tha Genc Gjokutaj.

Vendimi për Berishën:

Gjykata e Posaçme e Apelit për Korrupsionin dhe Krimin e Organizuar, me trup gjykues monokratik të përbërë nga gjyqtarja Iliriana Olldashi, sot më 25.01.2024, ora 09:00, shpalli vendimin mbi çështjen penale nr. 27 akti, datë 16.01.2024 regjistrimi, regjistruar mbi ankimin e personit nën hetim/ankues S.B., me objekt: “Ankim ndaj vendimit nr. 520, datë 30.12.2023 (disponuar mbi kërkesën për zëvendësimin e masës së sigurimit personal) dhe vendimit nr. 521, datë 27.12.2023 (disponuar mbi kërkesën për përjashtim gjyqtari) të Gjykatës së Posaçme të Shkallës së Parë për Korrupsionin dhe Krimin e Organizuar”, dhe vendosi:

Miratimin e nr. 520, datë 30.12.2023 të Gjykatës së Posaçme të Shkallës së Parë për Korrupsionin dhe Krimin e Organizuar.