BABAGJYSHI dhe FËMIJËT

Këtë vit fëmijët, të pakënaqur nga përvoja e viteve të shkuara, i bënë Plakut të Vitit të Ri një listë të gjatë me gjërat që duan. Ia dërguan atij një muaj përpara.
Babagjyshi, nga ana e vet, edhe pse duket i lodhur nga dimri, pranoi t’ua plotesojë të gjitha kërkesat vogëlushëve. Madje pa asnjë dallim, edhe nopranëve, edhe trazovaçve, e ngelësave. Atij i digjet xhani për fëmijët. Po ka vetëm një kërkesë:
Dëshiron t’i takojë kokë më kokë dhe cep më cep Shqipërisë.
Vogëlushët, ose pse janë tekanjozë, ose ngaqë nuk dinë ç’është dialogu, nuk pranojnë ta takojnë Babagjyshin. Ama, dhuratat i duan. Përplasin këmbët natë e ditë.
Prindërit, gjyshet apo gjyshërit e tyre nuk mund të përzihen në këtë muhabet sepse janë ata që çdo vit i gënjejnë fëmijët me Plakun që shpërndan dhurata.
Studentë, merreni ju situatën në dorë!
Si vëllezër dhe motra më të rritur të kalamajëve axhami, tregojuni atyre se ç’duhet të bëjnë!