Rruga Thumanë-Kashar-Fier u rrafshon tokat bujqësore

Gjatë ditës së sotme, banorët e Bërxullës kanë ngritur zërin në protestë për projektin e rrugës Thumanë-Kashar-Fier, pasi prek 22 familje dhe toka bujqësore.

Duke kundërshtuar këtë projekt, banorët shprehen se kompania GENER-2 e Bashkim Ulajt që ka fituar projektin me koncesion për 35 vite, në kundërshtim me ligjin, po punon pa leje ndërtimi.

Sipas banorëve makineritë e kompanisë kanë nisur punën pa asnjë transparencë lidhur me projektin.

Të bërë bashkë, banorët e Bërxullës kërkojnë shpronësim me VKM-në e 2016-ës, informacion të detajuar mbi projektin dhe të ulen me firmën kontraktore.

Protestuesit deklarojnë se nuk kanë marrë asnjë njoftim lidhur me projektin, e as për shpronësimet.

Ata janë kundër dëmshpërblimeve për çmimin 4400 lekë për m2 që sipas tyre është qesharak.