Banorët e Gazës e presin muajin e Ramazanit të uritur: Nuk kemi me çfarë të çelim Iftarin. Fëmijët do të vdesin urie
Ndërsa myslimanët në mbarë botën mirëpresin Ramazanin, muaji i shenjtë është pritur ndryshe nga palestinezët në Rripin e Gazës.
Me të paktën 1.7 milionë njerëz të zhvendosur, më shumë se 31,000 të vrarë dhe zi buke në Gazën veriore, familjet kanë pak ushqim apo ujë për të hapur iftarin.
“Ramazani i këtij viti është i ndryshëm nga vitet e kaluara. Ne jemi shumë larg njerëzve tanë të dashur, familjeve, të afërmve dhe miqve tanë në veri. Gjithçka është ndryshe”, tha Emad al-Najjar, një palestinez i zhvendosur nga Gaza veriore.
Ndërsa Izraeli vazhdon të bllokojë ndihmat humanitare për të hyrë në Gaza, ushqimi i pakët i disponueshëm në tregje është i papërballueshëm.
“Kam ardhur këtu për të blerë, por nuk mund të blej asgjë. Nuk ka asgjë, as hurma, as qumësht, asgjë. Askush nuk mund të gjejë asgjë për fëmijët e tyre. Të gjitha këto produkte të konservuara janë plot me mikrobe që infektojnë stomakun. Ne kemi nevojë për perime dhe fruta për të ushqyer fëmijët tanë, sepse ata janë dobësuar dhe do të vdesin nga uria”, ka deklaruar një tjetër qytetar.
Forcat izraelite kanë sulmuar qytetin e pushtuar të Bregut Perëndimor të Tulkarem, si dhe kampin e refugjatëve Nur Shams, duke shkatërruar infrastrukturën mes konfrontimeve me palestinezët.
Sipas agjencisë palestineze të lajmeve Wafa, pjesë në operacion morën më shumë se 25 automjete dhe katër buldozerë.
Wafa raportoi se automjetet ushtarake izraelite vazhduan rrugën e tyre drejt kampit të refugjatëve Nur Shams, në lindje të Tulkarem, ku, për të dytën ditë radhazi , buldozerët shkatërruan infrastrukturën në afërsi të rrethrrotullimit Saif Abu Lebda në hyrjen perëndimore të kampit.
Keni një histori? Denonco anonimisht, identiteti juaj mbrohet.
Denonco
