Banori i BBV hyri nga Rinasi me pasaportë gjermane, çfarë tha në Polici

Detaje të reja kanë dalë për arrestimin e Liam Osmanit, i cili u ndalua nga autoritetet pasi u fut në shtëpinë e “Big Brother”.

Sipas autoriteteve, Osmani rezultonte i dënuar për mashtrim dhe ka hyrë nga Rinasi 10 ditë më parë me pasaportë gjermane.

I çuditshëm është fakti se si Liam Osmani nuk u kap nga sistemi TIMS në momentin që kaloi kufirin në Rinas.

Ai rezulton i dënuar në vitin 2022 nga Gjykata e Tiranës me 2 vite e 6 muaj burg për mashtrim, pasi nuk pagoi 6000 euro për 17 bileta turistike në 2019.

Ndërkohë, para hetuesve, pas ekzekutimit të urdhër-ndalimit, Liam Osmani ka pretenduar se ka qenë në dijeni të një denoncimi në emër të tij për mashtrim, por jo se ishte dënuar.