Partia Demokratike ka vijuar me komente edhe pasi kryeministri Rama kërkoi falje publike për videon ‘fake’ që postoi në Facebook, ku shtypja e protestave në Algjeri u përdor si masa kundër covid-19 në Spanjë.
Sekretari i Përgjithshëm i PD-së, Gazmend Bardhi, duke e quajtur faljen e Ramës një “falje gjysmake”, tha se detyra e një kryeministri nuk është të përhapë paniki, por të ofrojë siguri për qytetarët e tij.
Përmes një postimi në Facebook, Bardhi i bëri thirrje Ramës të dalë nga shtëpia dhe të bëjë rolin e kryeministrit.
