Bardhi: Pyeta nëse hetimi po nxitet nga Rama për të shpëtuar veten

Komentet Bardhi i bëri pas përfundimit të mbledhjes së Këshillit të Mandateve në Kuvend, ku u diskutua për mandatin e Ahmetajt, pas kërkesës së SPAK për arrestimin e tij.

Ai shtoi gjithashtu se maxhoranca i dha kohë Ahmetajt që të largohej nga Shqipëria.

“Ashtu siç ishte paralajmëruar për t’i dhënë kohë Ahmetajt, që nga avokatët u konfimua se ai ndodhej jashtë Shqipërisë. Në një tentativë të paligjshme të maxhorancës u vendos që të shqyhej seanca e Këshillit. Synohet që autorizimi të jepet javën që vjen. Kjo është një ndihmë për Ahmetajn për t’u fshehur nga drejtësia. Kuvendi duhet të lejonte sot prokurorinë, ti jepte autorizimin për Ahmetajt, pastaj Gjykata vendoste.

Unë kam pyetur nëse ai është në Shqipëri apo në Kanada dhe nuk kam pasur përgjigje nga drejtuesi i SPAK. E rëndësishme është se informacioni që ne kishim, u konfirmua prej avokatëve të tij se Ahmetaj nuk ndodhej në Shqipëri. Duhet të keni parasysh se nga data e kërkesës së SPAK deri sot që ka mbërritur në Kuvend, ka qenë kohë e mjaftueshme që Ahmetaj të largohej”, është shprehur Bardhi.

Bardhi tha se i ka pyetur avokatët e Ahmetaj nëse hetimi ndaj ish-zvkryeministrit është nxitur nga Edi Rama, ku shtoi se ‘mbrojtësit’ e tij nuk kanë konfirmuar diçka të tillë.

“Pyetjet tona kishin të bënin dhe për vilën e Ahmetaj në Palasë, ku ne pyetëm nëse kjo është një dhuratë në kuadër të aferës së Unazës së Madhe por nuk morëm përgjigje. Nesër do dëgjojmë pretendimet e avokatëve të Ahmetaj, unë i kam pyetur duke qenë se vlerësimi që bëjmë është nëse ka përndjekje politike, ku i kam pyetur nëse kanë informacione nëse është Edi Rama ai që po nxit hetimin ndaj Ahmetaj për të shpëtuar veten por avokatët nuk kanë konfirmuar gjë.

A është një arratisje e Ahmetaj?

Avokatët thanë që nuk është larguar për këtë fakt.