“Basha duhet të ulet në tryezë me Ramën”

“Nuk ka asgjë të keqe që liderët politikë të ulen në tryezë bisedimi për të mirën e vendit”, kështu u shpreh ish-ministrja e Integrimit, Majlinda Bregu.

Bregu tha se është e domosdoshme një pakt kombëtar për integrimin e Shqipërisë në strukturat evropiane, dhe se nuk ka asgjë të keqe që Lulzim Basha dhe Edi Rama, së bashku me Presidentin e Republikës Ilir Meta të ulen dhe të gjejnë gjuhën e përbashkët për të mirën e Shqipërisë.

Më tej teksa komentoi thirrjen e Ramës drejtuar Bashës, për krijimin e një pakti kombëtar, tha se kishte qenë ajo e para që ka kërkuar diçka të tillë. Ish-deputetja e PD-së tha se “Politikanët të gjithë ulen bashkë në Parlament, për se të mos fillojnë që në seancën e ardhshme që të mund të kontribuojnë për Shqipërinë në Evropë?”