Basha i përgjigjet Berishës: Ka vetëm një dosje, çështja “non grata” nga SHBA

Përditësuar më 3 December 2021, 20:55

Kreu i PD Lulzim Basha i është përgjigjur deklaratave të ish-kryeministrit Sali Berisha mbi dosjen “Toyota Yaris”, duke theksuar se ka vetëm një dosje dhe ajo është çështja “non grata” nga SHBA.

Në një postim në “Twitter” kryedemokrati thekson se ky vendim i SHBA e detyron Berishën të bjerë kaq poshtë me shpresën se do ta shndërrojë PD-në në mburojë të interesave personale.

Deklarata e Bashës

Trillimet e shpifjet nuk e zgjidhin dot hallin e Sali Berishës. Ka vetëm një dosje, ka vetëm një çështje dhe ajo është çështja NON GRATA nga SHBA. Është kjo çështje që e detyron Sali Berishën të bjerë kaq poshtë me shpresën se do ta shndërrojë PD-në në mburojë të interesave personale. Nuk ka gjë më të ulët se të përdorësh demokratët dhe ndjeshmëritë e tyre si mish për top për hallin tënd personal.