Basha ironizon Berishën dhe dhëndërin e tij: U nisën për të hipur në pushtet, hipën mbi makinën e time

Lulzim Basha ironizoi gjestin e Jamarbër Malltezit që hipi mbi makinën e tij në oborrin e Partisë Demokratike dhe deklaratat e Sali Berishës se po mbrohej nga policiët e Edi Ramës.

“Më njoftuan se ka pasur një dëm ndaj makinës që merr me qira PD për kryetarin e saj. Por, të thërrasësh referendum me premtimin se do të hipesh në pushtet demokratët dhe hipën në makinën e kryetarit të PD, kjo është tallje e madhe me demokratët”, tha Basha.

Basha tha se Sali Berisha mund të hyjë sa herë që të dojë në selinë e Partisë Demokratike, por ai është i shkarkuar. “Nesër mund të thërrasë një referendum për shkarkimin e sekretarit Blinken, të presidentit Joe Biden e kështu me radhë”, u shpreh Basha.

Më tej, Lulzim Basha ironizoi deklaratat e Berishës.

“Këta dy këtu (Agron Gjekmarkaj dhe Alfred Rushaj) me maska, njëri është i RENEA-s dhe njëri është i Gardës. Ky këtu (Gjekmarka) është i RENEA-s, ky është i Gardës. Deklaratat janë qesharake. Herën e parë tha që kishte njerëz me armë, këtë herë RENEA, herën tjetër do të thotë që janë marinsa”, tha ai.