Basha kthen vemendjen te Teatri Kombëtar

Përmes një postimi në ‘Twitter’, ai shpreh mirënjohjen për qytetarët që nuk lejuan shembjen e godinës së Teatrit, pasi ai është shpallur nga organizata prestigjioze Europanostra dhe Instituti i Bankës së Investimeve Europiane ne Listën e shtatë monumenteve më të rrezikuara në Europë që duhen mbrojtur.

Basha deklaron se trashëgimia jonë kulturore është e pazëvendësueshme, dhe ne kemi detyrimin ta mbrojmë atë.

Postimi i plotë:

Teatri ynë Kombëtar është futur nga organizata prestigjioze @europanostra dhe Instituti i Bankës së Investimeve Europiane ne Listën e shtatë monumenteve më të rrezikuara në Europë që duhen mbrojtur.

Urime nga zemra dhe mirënjohje të pakufishme për @perteatrin dhe mijëra qytetarë që me qëndresën e tyre u përballën pa u sprapsur, me aferën e shembjes së Teatrit Kombëtar për të ndërtuar aty kullat e pastrimit të parave të drogës dhe korrupsionit.

Ruajtja dhe restaurimi i Teatrit Kombëtar është dhuratë e paçmueshme për brezat. Trashëgimia jonë kulturore është e pazëvendësueshme, dhe ne kemi detyrimin ta mbrojmë atë. Falemnderit @europanostra, falemnderit @perteatrin dhe qytetarëve-engjëj mbrojtës të TK