Basha në Shushicë të Elbasanit takon banorët….

Kryetari i opozitës, Lulzim Basha, ka shkuar sot në fshatin Shushicë të Elbasanit, ku është takuar me fermerë. Basha vetë me video e ka filmuar takimin me fermerët e zonës, “një nga zonat më punëtore të Shqipërisë”, siç i quan.”Jemi në tokat e Rexhep Koçit”, tregon Basha.

Ky është një plantacion pjeshkësh, që më të përpara ishte vresht. Por, që siç do të na e thotë vetë Rexhepi, që nuk ia dilte dot me vresht, për shkak të konkurencës së padrejtë në treg me prodhimet e importit dhe të faktit se këtu, ndonëse ka 16 vjet që komuna drejtohet nga të majtët…Kaq apo jo?! 16 vjet…”

“Jo, 20 vjet,” –  ndërhyjnë banorët.

Basha: “…nuk ka pasur asnjë investim në infrastrukturën bujqësore, asnjë investim në rrugën e fshatit. Sapo erdhëm nga rruga që ishte copë-copë. Subvencione nuk ka për bujqësinë, por ka diçka: taksat paguhen një më një, karburanti me çmimin më të lartë. Pa asnjë rimbursim, taksa e karburantit e plotë, uji e energjia lek më lek…I paguani apo jo?!”

“Po, po”, reagojnë banorët.

Basha: “…por nuk marrin mbrapsht asnjë investim nga shteti. Ajo që kanë marrë është një braktisje nga shteti.”