Basha nuk e ka bërë testin për koronavirusin

Lideri i PD Lulzim Basha tha sot se ai nuk e ka bërë testin për koronavirusin, duke nënvizuar se nuk ka pasur asnjë indikacion që ta shtynte drejt tamponit.

Ju personalisht i jeni nënshtruar testit të koronavirusit?

Basha: Deri tani s’kam pasur asnjë indikacion sipas këshillave të mjekëve apo protokolleve shëndetësore, që të më detyronte të bëja testin.

Deklaratën lideri i demokratëve e bëri në një konferencë online me gazetarët, gjatë të cilës përshëndeti vendimin e qeverisë për anulimin e koncesioneve që nuk kanë lidhje me situatën e krijuar nga koronavirusi dhe i kërkoi asaj ta shpallë menjëherë si vendim të qartë qeverie.