Lulzim Basha ka publikuar një video dëshpëruese të qytetarëve të cilët nuk kanë mundësi ekonomike, aq më tepër tani në kohën e koronavirusit.
Kreu i PD-së thotë se këta qytetarë janë pa asnjë ndihmë, të përjashtuar nga plani i qeverisë, duke theksuar se çdo ditë që kalon është një ditë pa bukë për ta.
Basha i bën thirrje qeverisë të shpërndajë pa vonesë fondet e ndihmës ekonomike dhe të rrisë buxhetin për emergjencës.
Postimi i plotë
Me mijëra njerëz në të gjithë vendin tregojnë mungesën e ndihmës dhe braktisjen nga shteti. Të përjashtuar nga plani i qeverisë, çdo ditë që kalon, për ta është një ditë pa bukë.
Duhet një plan i mirëmenduar mbështetjeje për të gjithë familjet shqiptare sipas nevojës dhe kushteve të secilit. Pagesa e mbijetesës për këdo që ka humbur punën nuk mund të vonohet më asnjë ditë!
Qeveria e ka për detyrë kushtetuese dhe ligjore të garantojë shëndetin dhe jetesën e çdo shqiptari. I bëj edhe një herë thirrje të shpërndajë pa asnjë vonesë fondet e ndihmës ekonomike dhe të rrisë buxhetin për emergjencën! Koha është TANI!
