Basha: PD dhe opozita do të prijnë protestat popullore deri në rrëzimin e këtij të sëmuri psiqik

Kreu i Partisë Demokratike, deklaroi nga salla e Kuvendit, se duke filluar që sot PD dhe opozita e bashkuar do të prijnë protestat popullore deri në rrëzimin e kryeministrit Rama dhe qeverisë së tij kriminale.

Ai tha se ka ardhur momenti që shqiptarët të marrin fatet e tyre në dorë.

‘Duhet të nisë menjëherë vettingu i politikanëve, dekriminalizimi i zgjedhjeve dhe jo proceset falso. Duhet të nisë menjëherë procesi i marrjes peng të Shqipërisë nga një bandë oligarkësh. Shpresoj dhe lutem që PS ta gjejë forcën të çlirohet nga kjo bandë kriminelësh dhe nga kryekrimineli që e ka marrë peng për interesa private dhe personale. Nuk ka rrugë tjetër përveçse të çlirojmë këtë aulë nga konflikti i interesit nga krimi dhe kriminelët. Duke nisur nga sot PD dhe opozita ka vetëm një mision ti prijnë qytetarëve të bëhen zot të fateve të vendit, të familjeve të tyre, të bëhen zot të fateve të këtij parlamenti përmes një kryengritje popullore kundër këtij të marri psiqik.