Kryetari i Partisë Demokratike, Lulzim Basha ka renditur, sipas tij dështimet e kryeministrit Edi Rama në 8 vite qeverisje.
Ai ka publikuar mëngjesin e sotëm në “Instastory” një video-mesazh, ku thekson se sipas Kontrollit të Lartë të Shtetit koncesioni i “Check up-it” ka marrë 6 milionë euro për shërbime të pakryera.
Sipas tij, kjo ka lënë spitalet pa investime dhe mjekët pa rritje pagash.
Postimi i Lulzim Bashës:
“34 ditë deri më 25 prill. 100 dështimet e Ramës në tetë vite. Cila është shuma që koncesioni i “Check up-it” ka marrë për shërbime të pakryera?
Përgjigjja: 6 milionë euro sipas KLSH-së. PPP-të po thithin fondet për shëndetësinë, duke lënë spitalet pa investime dhe mjekë pa rritje pagash.
