Basha sulmon Tv Klan: Sillet si televizion provincial!

Ndërsa fliste para gazetarëve Basha nuk e sulmoi drejtpërdrejt Berishën. As ia përmendi emrin, as nuk artikuloi akuza direkte ndaj tij. Gjatë fjalës para gazetarëve, ai foli për llum të qeverisjes së PD dhe shpjegoi pse kishte ndëshkuar Flamur Nokën.

“Nuk i takon një televizioni me licensë kombëtare të sillet si një televizion provincial, i cili shmang të vërtetat apo deformon të vërtetat” tha Basha duke qartësuar se këtë kunjë nuk e kishte me gazetarët e televizionit. “Është mirë të jesh objektiv dhe të jesh objektiv duhet të thuash të vërtetën” u shpreh Basha.