Basha takon Komisioneren e BE: Pas 25 prillit zbatojmë planin anti-mafia

Kreu i PD-së Lulzim Basha takoi sot Komisioneren e Punëve të Brendshme në BE, ku në përfundim foli për mediat, duke u shprehur se qeveria e re e dalë nga zgjedhjet e 25 prillit do të zbatojë një plan anti-mafia. 

“E njoha Komisioneren me vullnetin tonë për zbatimin e planit anti-mafia. Me Komisionern e Punëve të Brendshme të BE kemi punuar për të liberalizuar vizat 11 vjet më parë. Angazhimi për të përmbushur kushtet për fillimin e bisedimeve do të përmirësojnë ndjeshëm jetesën”, tha Basha.

Kryedemokrati deklaron se mori angazhimin e Komisioneres për të vazhduar ndihmën për Shqipërinë. “Shqipëria ka mbetur në vendnumëro sepse Edi Rama ka dështuar në çdo fushë”, tha Basha.

“Korrupsioni qeveritar i ka vjedhur shqiptarëve 8 vite kohë, miliarda euro dhe u ka mbyllur dyert me Evropën”, theksoi ai.