Basha: Vota kundër e gabuar, hera e parë kundër SHBA-ve në 27 vjet

Kreu demokrat Lulzim Basha e cilësoi si të gabuar votën kundër të Shqipërisë në OKB për çështjen e Jeruzalemit, i cili prej datës 6 dhjetor njihet nga SHBA si kryeqyteti i Izraelit.

Basha tha se sot për herë të parë ndodhi që në 27 vjet, Shqipëria të ndryshojë qëndrim në raport me SHBA-të përsa i takon vendimeve për Lindjen e Mesme.

“Shqipëria u rreshtua në krah të shumicës së vendeve të BE-së. Mendoj se është një vendim i gabuar, pasi kemi të bëjmë me një qëndrim që duhej të ishte në përputhje me interesin e shqiptarëve, në krah të SHBA, aq më tepër kur BE nuk kishte vendosur një kusht të tillë në raport me vendet që aspirojnë anëtarësimin në Union”, tha Basha.