Bashkia e Kukësit me nënkryetar të ri

Granit Gjana është zgjedhur në postin e rëndësshëm të nënkryetarit të Bashkisë së Kukës.

Lajmin e ka bër të ditur vetë Gjana përmes një postimi në rrjetin social facebook, teksa ka falenderuar kryetarin e bashkië, Safet Gjici që i besoi këtë post të rëndësishëm.

Sipas Gjanës kjo detyrë e lartë, është privilegj, por në të njënjtën kohë për të është një përgjegjësi e madhe.

Gjithashtu ai thekson se në këtë detyrë do të përfaqësojë denjësisht të rinjtë e qytetit të Kukësit dhe do punojë pa u lodhur për të krijuar më shumë hapësira, më shumë zhvillim dhe më shumë punësim për ta.

Deri tani Granit Gjana ka mbajtur postin e Drejtorit të Kabinetit të kryebashkiakut të Kukësit, Safet Gjici.

Postimi i plotë i Granit Gjanës:

Privilegj dhe përgjegjësi e madhe që Kryetari z.Safet Gjici më besoi postin e Nënkryetarit të Bashkisë Kukës.

Shpresoj të bëj më të mirën time për të përfaqësuar denjësisht të rinjtë e qytetit tim për më shumë hapësira, më shumë zhvillim dhe më shumë punësim.

GJITHMONË 🤝 #BASHKË