Belind Këlliçi paraqitet në SPAK (VIDEO)

Belind Këlliçi është paraqitur sot në Gjykatën e Posaçme Kundër Korrupsionit dhe Krimit të Organizuar, ku është thirrur si dëshmitar në procesin gjyqësor të njohur si “5D”.

Në të njëjtën seancë, janë thirrur edhe disa dëshmitarë të tjerë, përfshirë Arbjan Maznikun, si dhe disa persona që përbëjnë grupin e fundit të dëshmitarëve të caktuar nga Prokuroria e Posaçme. Në mesin e tyre janë edhe Dritan Kadia dhe Gazmend Haxhia.

Prokuroria e Posaçme përfaqësohet në këtë proces nga prokurorët Klodjan Braho dhe Anita Jella. Seanca nisi në orën 09:30 në ambientet e Gjykatës së Posaçme Kundër Korrupsionit dhe Krimit të Organizuar (GJKKO).