Berisha falënderon ndjekësit në TikTok: Përshëndetje të përzemërt miqve të mi!

Ish-kryeministri Sali Berisha ka publikuar shifrat e ndjekjes në TikTok të bashkëbisedimit të zhvilluar një ditë më parë me ndjekësit e tij.

Ai shprehet se brenda një ore ka arritur 286,600 pëlqime, 61 900 shikues dhe rreth 3000 shpërndarje.

“Një përshendetje të përzemërt miqve të mi në TikTok. Dje ishte një ditë rekordi për ta.

Gjatë bisedimit live dje ata me 286,600 likes, 61 900 shikues dhe rreth 3000 shpërndarje shënuan një rekord të ri në ndjekjen në afatin kohor prej 1 ore”, shkruan Berisha.

Ish-kryeministri Sali Berisha, vetëm disa ditë më parë hapi një llogari zyrtare edhe në rrjetin social “Tik Tok”, i cili është trendi i momentit sidmos për rininë.

Pas disa postimeve, ditën e djeshme  Berisha   është futur live ku ka pasur një bashkëbisedim për ndjekësit e tij, të cilët nuk kanë ngurruar ta respektojnë duke i dërguar dhurata.