Berisha homazhe për Atin e Shenjtë në Ambasadën e Vatikanit

Kryetari i Partisë Demokratike, Sali Berisha, zhvilloi sot një vizitë në Ambasadën e Vatikanit, ku zhvilloi homazhe për shuarjen e Papa Françeskut.

Në një fjalë të mbajtur, Berisha kujtoi takimin me Atin e Shenjtë pas zgjedhjes së tij në fronin papal.

Gjithashtu Berisha përmendi dhe vizitën e Papa Françeskut në Shqipëri dhe lumturimin e 38 martirëve të Kishës Shqiptare.

“Erdha të shpreh në emër të PD-së ngushëllimet dhe nderimin më të madh për Papa Françeskun. Papa Françesku u nda nga jeta si një Papë i madh i paqes. Shqipëria ishte një nga vendet më të para që vizitoi pas inaugurimit të tij në fronin papal. Pata fatin ta takoj, të bisedoj ditën e inaugurimit, e ftova në Shqipëri. Tregoi vëmendje dhe interes ndaj ftesës.

Gjatë vizitës së tij Papa lumnoi 38 martirë të Kishës Shqiptare që ranë për besimin e tyre te Zoti gjatë diktaturës së Enver Hoxhës. Përjetësi Atit të Shenjtë në jetën e tij të pasosur”, tha Berisha.