Berisha në selinë e PD: Lul Brava ik! 44 mijë anëtarë e shkarkuan përfundimisht

Sali Berisha mbërriti në selinë e Partisë Demokratike nën thirrjet dhe brohorimat e mbështetësve të tij, që nisën që në oborrin e partisë.

Berisha u ndal në shkallët para hyrjes kryesore për të folur para mediave, ndërsa brenda godinës dhe në tarracën e saj ka mbështetës të Lulzim Bashës.

Basha vetë vijon të mbajë mbledhjen e Kryesisë së Partisë Demokratike.

Berisha tha se 44 mijë anëtarë të Partisë Demokratike vendosën largimin e Lul Bravës nga drejtimi përfundimtar i PD-së.

“Asgjë nuk mund të ndalë njerëzit e lirë në realizimin e qëllimeve të tyre. nuk ka forcë që pengon dot njerëzit e lirë në arritjen e objektivave të tyre për liri dhe dinjitet. Për të ardhmen e forcës së tyre politike dhe shoqërisë shqiptare në tërësi”, tha Berisha.

“I jap fjalën komisionit që menaxhoi referendumin dhe e falenderoj. është i njëjti komision që menaxhoi në mënyrë të përsosur Kuvendin historik të 11 dhjetorit dhe po me kaq përgjegjësi dhe transpaarencë menaxhoi, drejtoi referendumin e parë në historinë e një force politike të thirrur nga anëtarësia”, shtoi më tej Berisha.

Berisha paralajmëroi të gjithë deputetët e Partisë Demokratike që janë rreshtuar në krah të Bashës që të mos i rezistojnë revolucionit, sipas tij.

“Revolucioni nuk mund të ndalet. Revolucioni mund të sjellë situata të paparashikueshme. Ata që kanë ikur për një karrige, i ftoj të rikthehen në shtëpinë e tyre”, tha ai.

Sali Berisha ftoi të gjithë deputetët e Partisë Demokratike që të marrin listat e votuesve në referendumin e kësaj të shtune dhe të nxjerrin, sipas tij, konkluzionet e duhura.

Berisha i këshilloi që të mos sillen si njerëz pa vizion politik.

“Një pjesë e tyre kanë qenë këshilltarë tek unë dhe unë kam vlerësim të madh. Por, tani të mos gjykojnë më si zyrtarë, por të gjykojnë si politikanë. Të mos bëhen instrumente të një skenari më të turpshëm në historinë e Shqipërisë”, tha Berisha.

“Asgjë nuk mund të ndalë njerëzit e lirë në realizimin e qëllimeve të tyre. nuk ka forcë që pengon dot njerëzit e lirë në arritjen e objektivave të tyre për liri dhe dinjitet. Për të ardhmen e forcës së tyre politike dhe shoqërisë shqiptare në tërësi”, vijoi ish-kryeministri.

“I jap fjalën komisionit që menaxhoi referendumin dhe e falenderoj. është i njëjti komision që menaxhoi në mënyrë të përsosur Kuvendin historik të 11 dhjetorit dhe po me kaq përgjegjësi dhe transpaarencë menaxhoi, drejtoi referendumin e parë në historinë e një force politike të thirrur nga anëtarësia”, shtoi më tej Berisha.