Berisha paralajmëron “lumë” protestash në çdo seancë plenare

Kryetari i Partisë Demokratike, Sali Berisha, ka bërë thirrje për të protestuar para parlamentit, sa herë që do të mbahen seanca plenare.

Në një takim me kryetarët e degëve të PD-së në Tiranë, Berisha iu drejtua qytetarëve të Tiranës të mblidhen para parlamentit në çdo seancë, për t’i dalë zot votës së tyre.

“Zgjedhësit e Tiranës dhe Shqipërisë do të vijnë të protestojnë. Pse do të protestojnë? Do të protestojnë për një parlament që respekton votën e 620 mijë shqiptarëve, që kanë votuar kundër Edi Ramës. Ndaj dhe qytetarët e Tiranës, demokratët e Tiranës janë të ftuar dhe kërkoj që të bëjmë çdo përpjekje për të qenë te parlamenti në çdo seancë. Ai është institucioni i krimit monstruoz kushtetues.
Aty shkelmohet çdo seancë kushtetuta e vendit. Aty shkelmohen në çdo seancë të drejtat e 620 mijë shqiptarëve që kanë votuar kundër kësaj qeverie. Atëherë, duhet tu dalim zot. Atëherë duhet tu dalim zot”, u shpreh ai ndër të tjera